70-годдзе Вялікай Перамогі ў Беларусі

Вялікая Айчынная вайна ўвайшла ў гісторыю Беларусі як найвялікшая трагедыя ўсіх часоў, самая маштабная па колькасці ахвяр і разбурэнняў. У тыя страшныя гады загінуў кожны трэці: цаной сваіх жыццяў людзі процістаялі фашызму, абараняючы Радзіму ад ворага. У памяць аб мужнасці і вялікім подзвігу народа ў Беларусі створаны грандыёзныя мемарыяльныя комплексы і ўстаноўлены помнікі-сімвалы, свята шануюцца пахаванні, адкрыты ўнікальныя экспазіцыі, у тым ліку першы ў свеце музей гісторыі Вялікай Айчыннай вайны… У юбілейны год 70-годдзя Перамогі па ўсёй краіне праходзяць урачыстыя мерапрыемствы: патрыятычныя акцыі, мітынгі, эстафеты памяці, форумы, выстаўкі, творчыя конкурсы. Безумоўна, самыя цікавыя падзеі – сустрэчы з людзьмі, якія бачылі і дагэтуль, быццам гэта было ўчора, памятаюць усе жахі вайны. На ўрачыстых цырымоніях прадстаўнікі ўлады ўручаюць ветэранам памятныя медалі "70 год Перамогі ў Вялікай Айчыннай вайне 1941-1945 гг."

Самыя запамінальныя мерапрыемствы напярэдадні святкавання Вялікай Перамогі – у нашай фотагалерэі.