Музей маці і сям’і стварылі ў Століне

Для першых наведвальнікаў 17 кастрычніка адкрыў дзверы Музей маці і сям’і ў Століне. Цырымонію прымеркавалі да Тыдня бацькоўскай любові-2024. Незвычайны музей размясціўся ў гістарычным будынку ў цэнтры горада. Экспазіцыя знаёміць наведвальнікаў з гісторыяй і традыцыямі Палескага рэгіёна: асаблівасцямі ў арганізацыі вяселля, побыту, выхаванні дзяцей. На вітрынах і стэндах прадстаўлены матэрыялы аб маці і ўнікальных сем’ях.