Алімпіяда-2024: Юлія Трушкіна выйшла ў паўфінал Гульняў у веславанні на каноэ

Беларуская прадстаўніца веславання на каноэ Юлія Трушкіна ўдала стартавала на XXXIII летніх Алімпійскіх гульнях у Парыжы.

Днём чацвярга беларуска пачала выступленні на самай кароткай асабістай дыстанцыі ў жаночай каноэ-адзіночцы – 200-метроўцы. Трушкіна прыняла ўдзел у другім папярэднім заездзе, дзе таксама былі прадстаўлены вясляркі з Чылі, Калумбіі, Кітая, ЗША, Малдовы і Украіны. Для прамога праходу ў паўфінал патрабавалася заняць месца не ніжэй за другое, і з гэтай задачай Юлія справілася: наша спартсменка фінішавала другой з рэзультатам 46,15 сек следам за амерыканкай Невін Харысан.