Алімпіяда-2024: плыўчыха Аліна Змушко адабралася ў фінал на стаметроўцы брасам

Беларуская плыўчыха Аліна Змушко стала фіналісткай XXXIII летніх Алімпійскіх гульняў на дыстанцыі 100 м брасам.

У вячэрняй праграме нядзелі на стадыі 1/2 фіналу на сотні брасам у жанчын выступілі 16 лепшых спартсменак па выніках ранішняй кваліфікацыі. Аліна Змушко была прадстаўлена ў першым паўфінале, дзе заняла другое месца з рэзультатам 1 мін 05,93 сек., што дало магчымасць ёй непасрэдна прабіцца ў фінал.