Алімпіяда-2024: плывец Ілья Шымановіч выйшаў у паўфінал на стаметроўцы брасам

Беларускі плывец Ілья Шымановіч паспяхова пачаў выступленні на XXXIII летніх Алімпійскіх гульнях у Парыжы.

У дзённай праграме першага дня ў плыўцоў стартавалі спаборніцтвы ў чатырох індывідуальных дысцыплінах. На дыстанцыі 100 м брасам у мужчын выступіў наш Ілья Шымановіч, які быў вызначаны ў чацвёрты адборачны заплыў. Беларус дакрануўся да борціка другім, уступіўшы толькі шматразоваму алімпійскаму чэмпіёну Адаму Піці з Вялікабрытаніі. Вынік Ільі (59,25 сек) стаў трэцім сярод 36 удзельнікаў – далей прайшлі лепшыя шаснаццаць.