Зіма ў Беларусі: чароўныя манахромныя пейзажы, унікальныя славутасці ў снежным палоне і цёплыя эмоцыі самага халоднага сезона

Завеі і снегапады, якія за лічаныя гадзіны абнаўляюць усё навокал, маразы, якія змяняюцца раптоўнымі адлігамі з дажджом, галалёдзіца або прыемны скрып гурбаў пад нагамі – зіма ў Беларусі кожны дзень робіць сюрпрызы. Але ў гэтым і вялікі плюс, паколькі ў нашых шыротах можна ўбачыць і адчуць яе сапраўдную. Халодную, спакойную, сонную, і разам з тым актыўную, падбадзёрлівую, гатовую дарыць цяпло, нават нягледзячы на тэмпературны мінус.

Ужо з сярэдзіны лістапада на тэрыторыю Беларусі прыйшлі паветраныя масы з поўначы і ападкі - снег, мокры снег, дождж. Ноччу слупкі тэрмометраў апускаліся да 15 градусаў ніжэй за нуль. У пачатку снежня ў краіну прыйшлі моцныя снегапады, якія даставілі нямала праблем аўтамабілістам і пешаходам, камунальным і дарожным службам. Але пры гэтым стварылі надзвычайнай прыгажосці пейзажы і адкрылі сезон актыўных зімовых забаў.

Славутасці, гарады, вёскі, бяскрайнія снежныя прасторы і забаўныя кадры сезона - у зімовым альбоме Belarus.by.