Фестываль мастацтваў беларусаў свету ў Мінску

Праз 6 гадоў Фестываль мастацтваў беларусаў свету аб'яднаў звыш 250 аднадумцаў – прадстаўнікоў нацыянальнай дыяспары з розных краін. Сярод удзельнікаў – творчыя калектывы мастацкай самадзейнасці, асобныя выканаўцы, мастакі, скульптары, дызайнеры, майстры народных промыслаў, фотамастакі і фатографы, празаікі і паэты – беларусы замежжа. Праграма ўключыла канцэрты беларускай фальклорнай і сучаснай музыкі, выставы жывапісу і дэкаратыўна-прыкладнога мастацтва, фотавыставы, творчыя сустрэчы з кіраўнікамі і прадстаўнікамі Саюза пісьменнікаў, Саюза мастакоў, Саюза майстроў народнай творчасці, майстар-класы розных напрамкаў традыцыйнай культуры.