Шэрхан Арыстан заваяваў Гран-пры XXI Міжнароднага дзіцячага музычнага конкурсу "Віцебск"

Юны выканаўца з Казахстана Шэрхан Арыстан заваяваў Гран-пры XXI Міжнароднага дзіцячага музычнага конкурсу "Віцебск".

Узнагароду Шэрхан Арыстан атрымаў ад Прэзідэнта Беларусі Аляксандра Лукашэнкі на цырымоніі адкрыцця ХХХІІ Міжнароднага фестывалю мастацтваў "Славянскі базар у Віцебску".

Журы конкурсу паставіла 12-гадоваму Шэрхану Арыстану максімальныя ацэнкі ў абодва дні - па 70 балаў. У выніку ён абышоў усіх сапернікаў і атрымаў 140 балаў. У першы дзень ён выступіў з кампазіцыяй Ama, Credi e Vai ("Любі, вер і ідзі") Андрэа Бачэлі, Дэвіда Фостэра і Эмі Фостэр. Юны выканаўца паказаў моцны вакал і пакарыў гледачоў і журы. Шэрхан прызнаўся, што марыць стаць зоркай эстрады, каб у родным Казахстане яго ведалі ўсе ад малога да вялікага.

Беларуска Сафія Рустамава ўступіла лідару конкурсу ўсяго 4 балы. У першы конкурсны дзень колькасць яе балаў складала 66, і ў другі дзень песня на беларускай мове прынесла ёй жаданы максімум 70 балаў.