Цырымонія ўскладання кветак у мемарыяльным комплексе "Хатынь"

22 сакавіка 1943 года была спалена беларуская вёска Хатынь. Разам з вёскай былі спалены або расстраляны 149 чалавек, з іх 75 дзяцей ва ўзросце да 16 гадоў. За гады акупацыі на тэрыторыі Беларусі праведзена больш за 140 буйных карных аперацый, больш за 2,2 млн чалавек загінулі ад рук акупантаў, больш за 9,2 тыс. населеных пунктаў разбурана і спалена, 209 з 270 гарадоў ператварыліся ў руіны, 628 вёсак знішчана разам з жыхарамі. 188 вёсак ужо не змаглі адрадзіцца.