Форум Energy Expo 2021 у Мінску

Каля 200 арганізацый прымае ўдзел у XXV Беларускім энергетычным і экалагічным форуме Energy Expo - 2021, які праходзіць з 12 па 15 кастрычніка ў Мінску. У гэтыя дні пройдуць канферэнцыі, семінары, круглыя сталы, на якіх будуць прадстаўлены сучасныя тэхналагічныя рашэнні ў галіне энергетыкі, нафтахіміі, энергазберажэння і экалогіі.

Праграма форуму-2021 уключае міжнародныя спецыялізаваныя выстаўкі "Энергетыка. Экалогія. Энергазберажэнне. Электра" (Energy Expo), Oil&Gas Technologies, "Атамэкспа-Беларусь", "ЭкспаСвятло", "Водныя і паветраныя тэхналогіі", "ЭкспаГорад" і XXV Беларускі энергетычны і экалагічны кангрэс.