Масленіцу адзначаюць у Магілёўскім раёне

Масленіца ў бягучым годзе прыйшла на беларускую зямлю 8 сакавіка і прадоўжыцца да 14 чысла. Кожны дзень прадугледжвае асаблівыя рытуалы і пачастункі, але галоўным атрыбутам святочнага стала былі і застаюцца бліны. Яны сімвалізавалі ў нашых продкаў сонца - такое ж круглае, гарачае і румянае. А калі вясной сонца будзе ўдосталь - ураджай будзе багатым, сталы - поўнымі, а сем'і - шчаслівымі. У аграгарадку Палыкавічы Магілёўскага раёна сабраліся ўдзельнікі калектываў самадзейнасці з усяго раёна - кожны год яны святкуюць Масленіцу, прытрымліваючыся ўсіх наказаў старэйшага пакалення.