Навагодні баль у Палацы Незалежнасці

Рана ці позна моладзь пачуе не заклікі замежных Telegram-каналаў, а голас розуму і скажа дзякуй тым, хто захаваў краіну. Аб гэтым Прэзідэнт Беларусі Аляксандр Лукашэнка заявіў, звяртаючыся да ўдзельнікаў Беларускага навагодняга балю для моладзі, які прайшоўу Палацы Незалежнасці.

"Я абсалютна веру ў вас. Так, мы перажываем няпросты час. Так, часам у авангардзе падзей - юныя і гарачыя галовы, вашы галовы. Так было заўсёды. І ў мае часы, і пазней. Але ўпэўнены: рана ці позна ўсе нашы дзеці пачуюць не заклікі замежных Telegram-каналаў, а голас розуму. І скажуць дзякуй тым людзям, якія сёння змагаюцца на перадавой за будучыню, - сказаў кіраўнік дзяржавы. - А мы, сабраўшы волю ў кулак, і далей будзем служыць сваёй краіне, каб захаваць яе для вас. Такая гістарычная місія выпала на долю пакалення стваральнікаў незалежнай Беларусі. І мы выканаем яе сумленна. Гэта я вам абяцаю".

"Вы ўсе вучылі гісторыю і павінны памятаць: стагоддзямі наша зямля была пад ботам іншаземцаў. Усё гэта было і не павінна паўтарыцца, калі мы сапраўды хочам быць незалежнымі", - дадаў беларускі лідар.