Прэзідэнцкія выбары-2020 у Беларусі: асноўны дзень галасавання 9 жніўня

У нядзелю, 9 жніўня, асноўны дзень галасавання на выбарах Прэзідэнта Беларусі. Выбарчыя ўчасткі адкрыліся ў 8.00. На цяперашніх выбарах змогуць прагаласаваць 6 844 932 чалавекі. Сачыць за ходам выбарчай кампаніі будуць 248 міжнародных і амаль 50 тыс. нацыянальных наглядальнікаў.

Выбары Прэзідэнта Беларусі з'яўляюцца прамымі. Кіраўнік дзяржавы выбіраецца непасрэдна беларускім народам. Галасаванне з'яўляецца тайным. Выбары адбыліся, калі ў галасаванні прынялі ўдзел больш за палавіну грамадзян, уключаных у спіс выбаршчыкаў. Кіраўнік дзяржавы лічыцца выбраным, калі яго падтрымалі больш за палавіну выбаршчыкаў, якія прынялі ўдзел у галасаванні.

Кандыдатамі ў прэзідэнты зарэгістраваны пяць чалавек: Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Сяргей Чэрачэнь. ЦВК сфарміраваны 153 тэрытарыяльныя выбарчыя камісіі і 5723 участковыя камісіі. Створана 5767 участкаў для галасавання, у тым ліку 231 - у санаторыях, прафілакторыях, дамах адпачынку, бальніцах і іншых арганізацыях аховы здароўя, якія аказваюць медыцынскую дапамогу ў стацыянарных умовах, 13 - у воінскіх часцях і 44 - за межамі Беларусі.