Беларусь рыхтуецца да Дня Незалежнасці

Беларусь рыхтуецца да Дня Незалежнасці. Галоўнае дзяржаўнае свята адзначаецца 3 ліпеня і супадае з сімвалічнай гістарычнай датай – днём вызвалення Мінска ад нямецка-фашысцкіх захопнікаў у 1944 годзе.

Традыцыйна ваенны парад у Мінску ў гэтым годзе прайшоў 9 мая і быў прымеркаваны да 75-годдзя Перамогі ў Вялікай Айчыннай вайне. А 3 ліпеня ў сталіцы пачнецца з патрыятычнага шэсця "Беларусь памятае!" па праспекце Незалежнасці да плошчы Перамогі і цырымоніі ўскладання кветак да Вечнага агню. Забаўляльныя мерапрыемствы ў горадзе стартуюць апоўдні. У 21.00 каля стэлы "Мінск – горад-герой" гасцей збярэ гала-канцэрт "Беларусь бязмежная". У 23.00 неба сталіцы расквеціць святочны феерверк. Урачыстыя мерапрыемствы пройдуць ва ўсіх раёнах горада.

Напярэдадні свята Беларускі рэспубліканскі саюз моладзі праводзіць "Дзень вышыванкі". У Мінску галоўная святочная пляцоўка разгорнецца 2 ліпеня з 16.00 да 22.00 каля Палаца спорту. Яна аб’яднае "Беларускі кірмаш" і "АРТ-фолк".

Неад’емная частка свята – гарадскія ўпрыгажэнні. Мінск прыбралі ў колеры дзяржаўнага сцяга – чырвоны і зялёны. І любімыя беларусамі валошкі – на плакатах і банерах, дэкаратыўных канструкцыях – нараўне з гербам і сцягам.

Плошча Перамогі – адзін з сімвалаў беларускай сталіцы – у гэтым годзе абнавілася пасля рэканструкцыі. Манумент-абеліск вышынёй 38 метраў у гонар Перамогі ў Вялікай Айчыннай вайне пабудаваны ў 1954 годзе. Урачыстае адкрыццё помніка было прысвечана 10-й гадавіне вызвалення Беларусі ад акупацыйных нямецкіх войскаў. На чатырох гранях пастамента размешчаны бронзавыя гарэльефы, якія раскрываюць ідэю помніка: "9 мая 1945 г.", "Слава загінулым героям", "Савецкая армія ў гады Вялікай Айчыннай вайны", "Партызаны Беларусі". Каля падножжа манумента гарыць Вечны агонь.

Светлавое шоу, выстаўка-кірмаш, феерверк - як Мінск сустрэне Дзень Незалежнасці

Танец вады і светлавое шоу - незабыўнае відовішча чакае мінчан 3 ліпеня