Дзікія коні пароды Konik

У 2019-м годзе па пагадненні, заключаным з Нідэрландамі, у заказнік "Налібоцкі" перасяліліся новыя жыхары – каля 50 дзікіх коней пароды Konik. Гэта стала магчымым дзякуючы сучаснай канцэпцыі рэвайлдынгу – аднаўлення характэрных для рэгіёна экасістэм шляхам вяртання буйных жывёл у месцы іх спрадвечнага арэала.

Вядома, што яшчэ ў 1409 годзе – перад Грунвальдскай бітвай – па ўказанні князя Вітаўта на тэрыторыі Налібоцкай пушчы адлоўлівалі тарпанаў для ваенных мэт. Пазней гэтых коней пачалі знішчаць, паколькі лічылася, што яны наносяць шкоду сельскай гаспадарцы. Ад такога націску 400 гадоў таму тарпаны цалкам зніклі з тэрыторыі краіны.