У Гродне прыватныя кампаніі пачалі вытворчасць медыцынскіх павязак

У Гродне прыватныя кампаніі пераарыентаваліся на вытворчасць сродкаў індывідуальнай абароны.

Рэзідэнт СЭЗ "Гроднаінвест" ТАА "Макей" пачало выпуск шматразовых трохслаёвых баваўняных павязак і ахоўных пластыкавых экранаў. За змену прадпрыемства вырабляе каля 2 тыс. масак. Прадукцыя безвыплатна перадаецца ў медыцынскія ўстановы горада для абароны персаналу. 6 красавіка павязкі і экраны даставілі ў Гродзенскую абласную дзіцячую клінічную бальніцу, раней сродкі індывідуальнай абароны перадаваліся ў Гродзенскую ўніверсітэцкую клініку.