Мясніковіч: Моладзь праяўляе вялікую цікавасць да выбараў

Моладзь праяўляе вялікую цікавасць да выбараў. Аб гэтым сёння заявіў старшыня Савета Рэспублікі Міхаіл Мясніковіч у час галасавання на выбарчым участку нумар 507 у Мінску.

"У нас выбары заўсёды праходзяць арганізавана, але ў гэтым годзе павышаная цікавасць, асабліва хацелася б адзначыць цікавасць з боку моладзі", - сказаў Міхаіл Мясніковіч.

Прычым моладзь актыўна ўдзельнічае і ў якасці выбаршчыкаў, і ў якасці кандыдатаў у дэпутаты. "Мы ўсе зацікаўлены, каб рос дабрабыт, жыццё станавілася лепшым, моладзь таксама бачыць свой актыўны ўдзел у гэтых працэсах, і гэта выдатна", - лічыць старшыня Савета Рэспублікі.