Брэсту – 1000! Як горад над Бугам рыхтуецца адзначыць грандыёзны юбілей

Фотаальбом, прысвечаны вялікаму святу ў цудоўным горадзе над Бугам, нагадвае прагулку. Ад унікальнага старажытнага паселішча Бярэсця з уцалелымі пабудовамі XIII стагоддзя і легендарнай крэпасці-героя, якая знаходзіцца на мяжы, да сучаснай культурнай сталіцы СНД-2019 з яе манументальным вакзалам, нязменным ліхтаршчыкам і мясцовым "Арбатам" – пешаходнай Савецкай…

Тут жыццё ідзе сваім парадкам: брастаўчане праводзяць апошнія летнія дзянькі няспешнымі прагулкамі па набярэжнай, атрымліваюць асалоду ад прахалоды ля фантанаў і арганізуюць пікнікі на зялёных лужках. Але разам з тым увесь горад ахутаны асаблівай атмасферай: прадчуваннем грандыёзнага свята ў гонар такой прыгожай даты – 1000 гадоў! Мясцовыя жыхары і турысты з задавальненнем пішуць Брэсту пажаданні на своеасаблівай "віншавальнай паштоўцы" – банеры даўжынёй некалькі метраў, які з'явіўся ў цэнтры горада напярэдадні свята.

Чым жыве Брэст у год свайго міленіума і як рыхтуецца да ўрачыстасці – у галерэі!