II Еўрапейскія гульні ў Мінску: веласіпедны спорт – шаша

У шашэйнай гонцы прынялі ўдзел 226 спартсменаў: усяго для іх было прадугледжана 4 камплекты ўзнагарод. Веласіпедысты стартавалі з Кастрычніцкай плошчы і перамяшчаліся па крузе працягласцю 15 км уздоўж галоўных славутых мясцін Мінска. Спаборніцтвы праходзілі з 22 па 25 чэрвеня.

У арсенале беларускіх гоншчыкаў – 2 медалі: залаты і бронзавы. Найвышэйшую ўзнагароду атрымаў Васіль Кірыенка ў індывідуальнай гонцы, на трэцюю прыступку п'едэстала гонару па выніках групавой гонкі паднялася Таццяна Шаракова.