Кацярына Іванчыкава (IOWA) перадае эстафету мастаку Віктару Альшэўскаму

Кацярына Іванчыкава пранесла галоўны сімвал Еўрапейскіх гульняў да мемарыяльнага каменя Канстанціну Сіманаву. Перадаючы факел вядомаму беларускаму мастаку Віктару Альшэўскаму, яна адзначыла, што для яе гонар пачаць рух у Магілёве і сам факт удзелу ў эстафеце. На яе думку, маючая адбыцца маштабная спартыўная падзея і тыя мерапрыемствы, якія ёй папярэднічаюць, аб'ядноўваюць людзей, даюць магчымасць завязаць новыя кантакты, умацаваць дружбу, адкрыць свету Беларусь. "Мы ўсе становімся часткай вялікай гісторыі, мяне напаўняе пачуццё гонару за сваю радзіму. І я стараюся ўсюды падкрэсліваць, што нарадзілася на гэтай зямлі, менавіта тут сфарміраваўся і раскрыўся мой творчы патэнцыял. Што датычыцца саміх Еўрапейскіх гульняў, то я яшчэ не ведаю, за каго канкрэтна буду балець, але, несумненна, буду ўважліва за імі сачыць, паколькі гэта падзея для краіны абяцае быць яркай і незабыўнай", – сказала Кацярына Іванчыкава.