II Еўрапейскія гульні: гімнастыка

У праграму Еўрапейскіх гульняў уваходзяць 5 дысцыплін па гімнастыцы: спартыўная, мастацкая, акрабатыка, аэробіка і скачкі на батуце.

На турніры па мастацкай гімнастыцы ў рамках II Еўрапейскіх гульняў 22-23 чэрвеня 52 лепшыя спартсменкі кантынента паспаборнічаюць за 8 камплектаў узнагарод. У арсенале беларусак – упэўненыя выступленні на міжнародных арэнах, адзначаныя высокімі ўзнагародамі. Вынікам Гульняў 2015-га года было 6 медалёў – золата, серабро і 4 бронзавыя ўзнагароды.