II Еўрапейскія гульні: гімнастыка

У праграму Еўрапейскіх гульняў уваходзяць 5 дысцыплін па гімнастыцы: спартыўная, мастацкая, акрабатыка, аэробіка і скачкі на батуце.

У беларускай камандзе батутыстаў нямала тытулаваных атлетаў, якія паднімаліся на п'едэсталы I Еўрапейскіх гульняў, Алімпійскіх гульняў у Рыа і чэмпіянату свету мінулага года. Таму шанц заваяваць медаль з 4 разыгрываемых камплектаў даволі вялікі. Усяго ў спаборніцтвах II Еўрапейскіх гульняў па батутным спорце, якія пройдуць 24-25 чэрвеня ў Мінск-Арэне, прымуць удзел 48 спартсменаў.