"Даспехі Радзвілаўскага Нясвіжа": выстава рарытэтаў у рэзідэнцыі знакамітага рода

Зброю і даспехі з багатай калекцыі Радзівілаў прадстаўляе выстава ў Залатой зале Нясвіжскага палацавага ансамбля. Упершыню з часоў апошніх уладальнікаў, якія пакінулі старадаўнюю рэзідэнцыю ў 1939-м, тут паказаны ўнікальныя экспанаты. Сёння многія рарытэты знаходзяцца ў калекцыях найбуйнейшых музеяў свету, але на тры гады значная частка прыбыла ў беларускі Нясвіж.

Выстава "Даспехі Радзівілаўскага Нясвіжа", якая экспануецца з канца 2018-га па 2021-ы, заклікана максімальна важка паказаць калекцыю зброі і даспехаў адной з самых вядомых і знакамітых магнацкіх дынастый Еўропы, што захоўвалі ў палацы на працягу стагоддзяў. Тут прадстаўлены элементы з уласных фондаў і Нацыянальнага гістарычнага музея Беларусі – арыгінальныя баявыя паўдоспехі XVI стагоддзя, элементы баявых і парадных даспехаў, ахоўныя элементы для коней...

Асаблівай увагі заслугоўваюць артэфакты, перададзеныя музеем Фітцвільяма Кембрыджскага ўніверсітэта. Сярод іх – элементы даспехаў, якія імітуюць грамадзянскі касцюм таго часу: так званы "выдзіманы са складкамі", які насілі з нагоды ўрачыстасцяў або турніраў. Цікава, што аўтар некаторых з іх – вядомы нямецкі майстар Кольман Хельмшміт, які вырабіў даспех "Літоўскага Геркулеса" Юрыя Радзівіла, што зараз можна ўбачыць у амерыканскім Метрапалітэн-музеі.