Калядная традыцыя Беларусі: цырымонія ўручэння прэміі "За духоўнае адраджэнне" і спецыяльных прэзідэнцкіх прэмій выдатным людзям краіны

Унікальная беларуская прэмія "За духоўнае адраджэнне", спецыяльныя прэміі Прэзідэнта дзеячам культуры і мастацтва, прэстыжная ўзнагарода "Беларускі спартыўны Алімп" уручаны выдатным людзям краіны. Гэтай традыцыі ўжо больш за 20 гадоў: у святочны калядны тыдзень у Палацы Рэспублікі на вачах у тысяч гасцей і мільёнаў тэлегледачоў лаўрэаты года атрымліваюць заслужаныя ўзнагароды з рук Прэзідэнта. Гэта людзі, якія беражліва захоўваюць і прымнажаюць скарбы нацыі - культуру, традыцыі, духоўнасць, гісторыю. Тыя, хто сваёй штодзённай працай уносіць асаблівы ўклад у справы міласэрнасці і дабрачыннасці. І вядома, героі, якія праслаўляюць нашу краіну на спартыўных арэнах.