Дабрачынная акцыя "Нашы дзеці" ў Беларусі

Новы год і Каляды – самы чароўны час для ўсіх дзяцей і дарослых, час рабіць дабро, шчыра дзяліцца цяплом і дапамагаць, асабліва тым, каму так патрэбны клопат. Гэтыя добрыя, вечныя каштоўнасці ўжо шмат гадоў падтрымлівае вялікі дабрачынны марафон "Нашы дзеці", які па традыцыі праходзіць напярэдадні зімовых свят. Уся Беларусь – кіраўнікі дзяржорганаў і прадпрыемстваў, бізнесмены і банкіры, лідары грамадскіх арганізацый, артысты, проста неабыякавыя людзі – уключаюцца ў ланцужок віншаванняў, увагі і падтрымкі.

Больш за 15 тысяч дзяцей, сотні мерапрыемстваў, больш за 90 прадпрыемстваў і арганізацый – такі маштаб акцыі "Нашы дзеці", якая стартавала 10 снежня і прадоўжыцца да 11 студзеня 2019-га. У гэтыя дні для дзяцей, якія апынуліся ў цяжкай сітуацыі, выхаванцаў школ-інтэрнатаў, дзяцей са шматдзетных, апякунскіх і прыёмных сем’яў, інвалідаў праходзяць навагоднія акцыі і ранішнікі, канцэрты і тэатралізаваныя паказы, карнавалы і дыскатэкі. Вядома, з удзелам гасцей і падарункамі.

Кульмінацыяй марафону стала Галоўная ёлка краіны ў Палацы Рэспублікі з удзелам Прэзідэнта. На свяце сабраліся больш за 2 тысячы дзяцей з усіх рэгіёнаў Беларусі. Аляксандр Лукашэнка з цеплынёй вітаў дзяцей і запэўніў, што для яго нічога няма важнейшага, чым мірнае і шчаслівае дзяцінства беларусаў. Прэзідэнт сказаў, што ў дарослых ёсць вялікая колькасць падстаў ганарыцца падрастаючым пакаленнем, адзначыўшы паспяховы ўдзел у міжнародных конкурсах, спаборніцтвах, алімпіядах. А юным гасцям кіраўнік дзяржавы пажадаў весёлых зімовых канікул і шчаслівага Новага года. 

Навагоднія сюрпрызы, шчырыя моманты радасці і ўсмешкі дзяцей – у святочным рэпартажы з розных куткоў краіны!