Пераможцам дзіцячага "Еўрабачання-2018" стала прадстаўніца Польшчы Раксана Венгель

25 Ліс 2018

Раксана Венгель выступіла з песняй "Anyone I Want to Be". Па выніках галасавання прафесійнага журы і гледачоў яна набрала 215 балаў.

Вакалістцы 13 гадоў. Яна пераможца першага сезона The Voice Kids Poland. Акрамя спеваў займаецца акрабатыкай, дзюдо і танцамі. Але самым вялікім яе захапленнем заўсёды была музыка. Талент Раксаны да спеваў выявіўся амаль выпадкова - у каравокі дзякуючы мноству станоўчых водзываў аб яе голасе. Гэта натхніла дзяўчынку працаваць і развіваць свае пеўчыя здольнасці. Першы сінгл Раксаны пад назвай "Їyj" набраў больш за 8 млн праглядаў на YouTube, у яе больш за 200 тыс. падпісчыкаў у сацсетках. Апошні сінгл пад назвай "Obiecujк" таксама стаў папулярным сярод паклоннікаў. Цяпер Раксана працуе над сваім дэбютным альбомам.

У тройцы лідараў Анжэліна з Францыі (203 балы) і Джаэль з Аўстраліі (201). Даніэль Ястрэмскі выступіў пад восьмым нумарам з песняй "Time". У выніку ў яго 114 балаў і 11-е месца.

Астатнія месцы размеркаваліся наступным чынам:

4. Украіна - Дарына Краснавецкая (182);

5. Мальта - Эла (181);

6. Казахстан - Данэлія Тулешова (171);

7. Італія - Меліса & Марка (151);

8. Грузія - Тамар Эдзілашвілі (144);

9. Арменія - Л.Е.В.О.Н (125);

10. Расія - Ганна Філіпчук (122);

12. Македонія - Марыя Спасоўская (99);

13. Нідэрланды - Макс & Аня (91);

14. Ізраіль - Ноам Дадон (81);

15. Ірландыя - Тэйлар Хайнс (48);