Беларускае Палессе: Музей народнай творчасці ў Моталі

Дзяржаўная ўстанова культуры "Мотальскі музей народнай творчасці" ў аграгарадку Моталь Іванаўскага раёна прымае ў дзень да 5 экскурсій. Прадстаўлены калекцыі археалогіі, керамікі, ткацтва, вышыўкі, іканапісу і жывапісу, посуду і мэблі. Моталь здаўна славіўся сваімі майстрамі. Мясцовыя ткачы, краўцы, разьбяры па дрэве былі вядомы далёка за межамі роднага мястэчка. У музеі можна даведацца і пра яго гісторыю: работнікі стварылі дыяраму старажытнага Моталя і аднавілі аўтэнтычны інтэр'ер палескай хаты.