Спадчына Беларусі: абрад “Праводзіны русалкі” ў Хойніцкім раёне

У аграгарадку Вялікі Бор Хойніцкага раёна 3 чэрвеня правялі абрад “Праводзіны Русалкі”, які ў 2016 годзе атрымаў статус гісторыка-культурнай каштоўнасці Беларусі.

Старажытнае рытуальнае дзейства завяршае так званы русалчын тыдзень – ад Тройцы да наступнай нядзелі. Паводле народных традыцый, гэта час, калі русалкі выходзяць з вады да людзей. Абрад – сімвал выгнання русалак далей ад людскога жылля.