Кубак Садружнасці-2023 у Раўбічах: мужчынскі пасьют на 12.5 км

У Рэспубліканскім цэнтры алімпійскай падрыхтоўкі па зімовых відах спорту "Раўбічы" 19-22 студзеня адбыўся чацвёрты этап міжнародных спаборніцтваў па біятлоне "PARI Кубак Садружнасці".

У жаночай спрынтарскай гонцы на 7,5 км беларуская біятланістка Дзінара Алімбекава-Смольская заняла чацвёртае месца. Лідар зборнай Беларусі, алімпійская чэмпіёнка Пхёнчхана-2018 дапусціла два промахі пры стральбе лежачы, уступіўшы пераможцы 24,4 сек. Увесь п'едэстал гонару занялі расійскія спартсменкі: Ларыса Кукліна (21 мін 09,6 сек; 0 промахаў), Наталля Шаўчэнка (+8,6 сек; 1), Настасся Шаўчэнка (+23,8 сек; 0).

Пераможцам мужчынскай спрынтарскай гонкі на 10 км з двума агнявымі рубяжамі стаў беларус Дзмітрый Лазоўскі, які паказаў рэзультат 23 мін. 11,7 сек., не дапусціўшы ніводнага промаху. Другое месца заняў расіянін Данііл Серахвостаў (+1,8 сек.; 1 промах), трэцім фінішаваў яшчэ адзін расійскі спартсмен Эдуард Латыпаў (+15,1 сек.; 2). Лідар агульнага заліку Кубка Садружнасці капітан беларускай зборнай Антон Смольскі заняў 6-е месца (+32,0 сек.; 2).

У выхадныя дні ў Раўбічах адбылося па два старты: 21 студзеня прайшлі мужчынская і жаночая гонкі праследавання, а 22 студзеня адбыліся мас-старты ў жанчын і мужчын. Барацьбу за ўзнагароды вялі больш за 60 лепшых беларускіх і расійскіх біятланістаў, якія не раз станавіліся прызёрамі буйнейшых міжнародных турніраў.

Акрамя таго, у нядзелю прайшла Гонка чэмпіёнаў з удзелам беларускіх і расійскіх зорак біятлона, якія ўжо завяршылі актыўную кар'еру. Сярод іх былі пераможцы і прызёры Алімпійскіх гульняў, чэмпіянатаў і этапаў Кубка свету і Еўропы розных гадоў. Пасля заканчэння Гонкі чэмпіёнаў адбылася аўтограф-сесія для балельшчыкаў, у час якой аматары біятлона змаглі пагутарыць і зрабіць сэлфі са знакамітымі спартсменамі.