Чэмпіянат Еўропы па биятлоне ў Раўбічах

Чэмпіянат Еўропы па біятлоне прайшоў з 26 лютага па 1 сакавіка ў Рэспубліканскім цэнтры алімпійскай падрыхтоўкі па зімовых відах спорту "Раўбічы". Кантынентальнае першынство было перанесена ў "Раўбічы", паколькі з-за цёплага надвор'я ў Эстоніі арганізатары не змаглі гарантаваць умовы, неабходныя для мерапрыемства. Форум адкрыўся ўрачыстай цырымоніяй, кваліфікацыяй і фіналамі суперспрынту ў мужчын і жанчын. Усяго ўдзел у чэмпіянаце прынялі каля 270 атлетаў у складзе 35 каманд .

Беларускі біятланіст Сяргей Бачарнікаў стаў першым пераможцам чэмпіянату Еўропы. Ён прайшоў дыстанцыю суперспрынту за 14 мін 12,8 сек (0+2). Другім стаў Адам Вацлавек з Чэхіі (адставанне 0,4 сек, 0+3), бронза ва ўкраінца Дзмітрыя Підручнага (0,5 сек, 1+2). Сярод беларусаў у гэтай гонцы таксама выступілі Віктар Крыўко, Раман Ялётнаў, Антон Смольскі, Мікіта Лабастаў, Максім Варабей. Расійская біятланістка Яўгенія Паўлава стала ўладальніцай золата чэмпіянату Еўропы, серабро ва ўкраінкі Алены Підгрушнай, бронза дасталася Хлое Шэвалье з Францыі.

Беларуская каманда ў складзе Дзінары Алімбекавай, Ірыны Крыўко, Антона Смольскага і Сяргея Бачарнікава ўступіла лідару гонкі 40,4 сек і заняла чацвёртае месца. На вышэйшую прыступку п'едэстала гонару паднялася зборная Украіны, якая паказала час 1 гадз 11 хв. На другой пазіцыі размясцілася каманда Расіі (адставанне 32,2 сек). Бронзавы медаль заваявалі нарвежскія біятланісты (адставанне 33,7 сек).

Прадоўжыліся спаборніцтвы 27 лютага супермікстам і змешанай эстафетай, 29 лютага прайшлі мужчынскія і жаночыя спрынты. Завяршыліся спаборніцтвы 1 сакавіка гонкамі праследавання.

На здымку: пераможцы суперспрынту на ЧЕ-2020 па біятлоне ў "Раўбічах" – Адам Вацлавек (Чэхія), Сяргей Бачарнікаў (Беларусь), Дзмітрый Підручны (Украіна)