Брэсцкае "Дынама" абыграла "Шахцёр" у паўфінальным матчы Кубка Беларусі

Футбалісты брэсцкага "Дынама" перамаглі салігорскі "Шахцёр" з лікам 2:0 у паўфінальным матчы розыгрышу Кубка Беларусі.

Сустрэча прайшла з перавагай дзеючых чэмпіёнаў краіны. У першым тайме брастаўчане двойчы паразілі вароты цяперашняга ўладальніка Кубка Беларусі. На 6-й мінуце гульні лік адкрыў Аляксандр Наёк, а яшчэ праз 7 мінут яго пачын падтрымаў Павел Савіцкі. Пасля перапынку рэзультат не змяніўся.

Рашаючы паядынак за футбольны Кубак пасля васьмігадовага перапынку павінен адбыцца 24 мая на полі мінскагастадыёна "Дынама". У фінале мінулага Кубка Беларусі футбалісты "Шахцёра" трэці раз заваявалі трафей, атрымаўшы перамогу над "Віцебскам" на яго стадыёне з рэзультатам 2:0.