Навячэр'е Вялікадня ў гродзенскім Фарным касцёле

Беларускія католікі і пратэстанты разам з вернікамі па ўсім свеце 9 красавіка адсвяткавалі светлае Хрыстова Уваскрэсенне - Вялікдзень. Характэрна, што ў гэты ж дзень праваслаўныя адзначалі Вербную нядзелю, ці Уваход Гасподні ў Іерусалім. Вялікую суботу вернікі прысвяцілі падрыхтоўцы: па ўсёй краіне прыхаджане асвячалі кулічы, тварожныя пасхі, яйкі да святочнай трапезы. У святую ноч у храмах Рымска-каталіцкай царквы адбылося самае ўрачыстае богаслужэнне года - Навячэр'е Вялікадня. Згодна з традыцыяй перад кожным касцёлам запалілі пасхал - вялікую свечку, якая сімвалізуе ўваскрашэнне Ісуса Хрыста, а ад яе полымя атрымалі і ўсе свечкі ўрачыстасці.

Святочную службу ў галоўным каталіцкім храме Беларусі - мінскім Архікафедральным касцёле імя Найсвяцейшай Панны Марыі - узначаліў мітрапаліт Мінска-Магілёўскі архібіскуп Іосіф Станеўскі. Для тых, хто не змог прысутнічаць, але хацеў далучыцца да малітваў вернікаў, была арганізавана прамая відэатрансляцыя.

Раніцай 9 красавіка святочныя імшы прадоўжыліся. Па канонах праводзіўся абрад благаславення агню і вады, а таксама ў храмах прадаўжалі асвячаць прынесеныя вернікамі дары. Пасля гэтага прыхаджане бралі ў лампады велікодны агонь і неслі дадому ў свае сем'і. "Святаў свята і ўрачыстасць з урачыстасцей", згодна з царкоўным календаром, прадоўжыцца яшчэ сем дзён.