Belarus Fashion Week: юбілейны 20-ы сезон

Адна з галоўных падзей у беларускай моднай індустрыі – Belarus Fashion Week – адкрыла юбілейны 20-ы сезон. У рамках мерапрыемства 3 і 4 кастрычніка адбыліся паказы калекцый ад вядучых дызайнераў і брэндаў, у тым ліку BUTER, NELVA, LSD Clothing, Minina_Style, LOVERANI, Natalia Korzh. У расклад увайшлі таксама дзіцячыя паказы, аб'яднаная прэзентацыя дызайнераў, прадстаўленых у моднай прасторы TREND Park, і калектыўны паказ РГА "Беларуская палата моды" Ethical Fashion Show з дызайнерамі Наталляй Кастрамой, Кацярынай Занько, Таняй Тур і новым брэндам Key-to-art. Прэзентавалі калекцыі мадэлі рознага ўзросту і ўзроўню падрыхтоўкі. Многія дызайнеры запрасілі для ўдзелу ў паказах пераможцаў конкурсаў прыгажосці розных гадоў.