Парламенцкія выбары ў Беларусі
Выбаркамы зарэгістравалі 446 ініцыятыўных груп па ўсёй Беларусі
12 ліпеня, Мінск /Кар. БЕЛТА/. Акруговыя выбарчыя камісіі Беларусі зарэгістравалі 446 ініцыятыўных груп грамадзян па зборы подпісаў выбаршчыкаў па вылучэнні кандыдатаў у дэпутаты Палаты прадстаўнікоў Нацыянальнага сходу шостага склікання, гаворыцца на сайце ЦВК, паведамляе БЕЛТА.
Усяго ў акруговыя камісіі было пададзена 479 заяў аб рэгістрацыі такіх груп. Прыём заявак завяршыўся 7 ліпеня, іх разгляд прадаўжаўся на працягу пяці дзён пасля гэтай даты.
Больш за ўсё груп, паводле апошніх даных, зарэгістравана ў Мінску - 114, менш за ўсё - у Віцебскай вобласці - 48.
Сярод вылучэнцаў, групы якіх зарэгістраваны, 286 беспартыйных і 160 членаў палітычных партый. Больш за ўсё такім чынам вылучаецца прадстаўнікоў Аб'яднанай грамадзянскай партыі (39 чалавек). Далей ідуць: Партыя БНФ - 29, Беларуская партыя левых "Справядлівы свет" - 23, Камуністычная партыя Беларусі - 21, Ліберальна-дэмакратычная партыя - 16, Беларуская сацыял-дэмакратычная партыя (Грамада) - 16, Рэспубліканская партыя працы і справядлівасці - 10, Беларуская партыя "Зялёныя" - 3, Беларуская патрыятычная партыя - 3.
версія для друку
зрабіць стартавай
дабавіць у выбранае