Парламенцкія выбары ў Беларусі

3 чэрвеня, Мінск /Кар. БЕЛТА/. ЦВК Беларусі плануе 8 чэрвеня прыняць каляндарны план будучай парламенцкай кампаніі. Аб гэтым паведаміла сёння журналістам старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына, адказваючы на пытанне карэспандэнта БЕЛТА.

"Чакаем, што 7 чэрвеня будзе падпісаны ўказ аб назначэнні выбараў, таму на наступны дзень, 8 чэрвеня, запланавана правядзенне пасяджэння, дзе будуць прыняты каляндарныя планы дзвюх выбарчых кампаній. Не трэба забываць і аб верхняй палаце, Савеце Рэспублікі", - заўважыла Лідзія Ярмошына.

Паводле яе слоў, на пасяджэнні плануецца таксама разгледзець асноўныя дакументы, якія будуць датычыцца першага этапу выбараў у парламент.

Лідзія Ярмошына сёння ўдзельнічае ў новым праекце БРСМ "Дыялог пакаленняў "Кветкі Вялікай Перамогі", які стартаваў у мінскім Парку Перамогі. Удзел у мерапрыемстве прымаюць дэлегаты V Усебеларускага народнага сходу ад моладзі з усіх рэгіёнаў Беларусі, ветэранаў вайны і працы, парламентарыяў, прадстаўнікоў навукі, палітыкі, бізнесу, спорту, культуры і гэтак далей. Удзельнікі абмяркоўваюць праблемы і пытанні, якія датычацца маладзёжнай тэматыкі, прапануюць эфектыўныя шляхі іх вырашэння. Чакаецца, што па выніку будуць выпрацаваны канкрэтныя прапановы для абмеркавання на Усебеларускім народным сходзе.