Парламенцкія выбары ў Беларусі

1 верасня, Мінск /Уладзімір Мацвееў - БЕЛТА/. МЗС Беларусі аказвае ўсё неабходнае садзейнічанне рабоце выбаркамаў за мяжой. Аб гэтым сёння на брыфінгу паведаміў начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.

"Арганізацыя галасавання на замежных выбарчых участках ускладзена на выбарчыя камісіі, якія там створаны", - адзначыў прэс-сакратар.

"Мы са свайго боку аказваем ўсё неабходнае і прадугледжанае заканадаўствам садзейнічанне ў рабоце выбарчых камісій і разлічваем, што галасаванне пройдзе ў поўнай адпаведнасці з нашым выбарчым заканадаўствам і ўсе грамадзяне Беларусі, якія за мяжой хацелі б аддаць свой голас на выбарах, атрымаюць такую магчымасць і паспяхова ёй скарыстаюцца", - дадаў Дзмітрый Мірончык.