Парламенцкія выбары ў Беларусі
Мясніковіч: Работа дэпутата - напружаная праца, і папулізму тут быць не павінна
5 жніўня, Магілёў /Вольга Емяльянава - БЕЛТА/. Работа дэпутата - гэта цяжкая, напружаная праца, і папулізму тут быць не павінна. Такое меркаванне выказаў журналістам старшыня Савета Рэспублікі Нацыянальнага сходу Міхаіл Мясніковіч. Ён прымаў удзел у адкрыцці форуму "Міжрэгіянальнае супрацоўніцтва Магілёўскай і Бранскай абласцей у сферы маладзёжнай палітыкі ў рамках Саюзнай дзяржавы", які праходзіць у Магілёве з 4 па 5 жніўня, перадае карэспандэнт БЕЛТА.
Канкурэнцыя на месца ў Палаце прадстаўнікоў Нацыянальнага сходу Беларусі вялікая. Выбаршчыкам будзе цікава, паколькі кожны кандыдат у дэпутаты будзе імкнуцца максімальна паказаць, на што ён здольны, адзначыў Міхаіл Мясніковіч.
Паводле яго слоў, работа дэпутата не простая і не прымае ўсялякую галаслоўнасць у палітыцы. Нарматыўна-прававыя і заканадаўчыя акты - высокая адказнасць. Гэта дакументы, якія будуць працаваць шмат гадоў, падкрэсліў Міхаіл Мясніковіч. Усё павінна быць выверана, збалансавана, каб стварыць максімальныя ўмовы для функцыянавання сацыягуманітарнай і гаспадарчай дзейнасці.
"Калі нехта думае, што можна атрымаць дэпутацкае крэсла на хвалі папулізму, ён памыляецца, - запэўніў старшыня Савета Рэспублікі. - Беларускі народ не прагаласуе. Патрэбны канкрэтныя дзеянні, багаж прафесійных дасягненняў і жыццёвы вопыт, а таксама бачанне таго, як трэба арганізаваць работу з калегамі, каб павысіць дабрабыт народа".
версія для друку
зрабіць стартавай
дабавіць у выбранае