Парламенцкія выбары ў Беларусі

12 кастрычніка, Мінск /Кар. БЕЛТА/. Старшынёй Савета Рэспублікі Нацыянальнага сходу Беларусі перавыбраны Міхаіл Мясніковіч. За яго кандыдатуру сёння сенатары прагаласавалі аднагалосна на пасяджэнні першай сесіі Савета Рэспублікі шостага склікання, перадае карэспандэнт БЕЛТА.

Выступаючы перад сенатарамі, Міхаіл Мясніковіч падзякаваў за аказаны давер. "Запэўніваю, што зраблю ўсё для таго, каб работа Савета Рэспублікі была эфектыўнай, садзейнічала павышэнню дабрабыту грамадзян Беларусі, забяспечвала суверэнітэт і нацыянальную бяспеку нашай краіны, - сказаў ён. - Усе члены Савета Рэспублікі маюць роўныя правы, і старшыня Савета Рэспублікі адбудзецца толькі ў тым выпадку, калі будзе паважаць меркаванне кожнага з іх і ствараць умовы для іх плённай працы. Мы будзем прымаць калегіяльныя рашэнні ў інтарэсах нашай краіны і беларускага народа".

Міхаіл Мясніковіч быў выбраны старшынёй Савета Рэспублікі Нацыянальнага сходу Беларусі пятага склікання ў студзені 2015 года.

Узнагароджаны ордэнам Айчыны III ступені, ордэнам "Знак Пашаны", ордэнам Дружбы Расійскай Федэрацыі, ордэнам Дружбы Кітайскай Народнай Рэспублікі, ордэнам Беларускай праваслаўнай царквы Свяціцеля Кірылы Тураўскага І ступені. Мае тры падзякі Прэзідэнта Рэспублікі Беларусь, ганаровыя граматы Савета Міністраў і Нацыянальнага сходу Беларусі.