Парламенцкія выбары ў Беларусі
Лебедзеў: Парламенцкая кампанія ў Беларусі ідзе планава, арганізавана і ў адпаведнасці з заканадаўствам
30 жніўня, Мінск /Юлія Огнева - БЕЛТА/. Парламенцкая кампанія ў Беларусі ідзе планава, арганізавана і ў адпаведнасці з заканадаўствам, заявіў сёння журналістам кіраўнік місіі наглядальнікаў ад Садружнасці Незалежных Дзяржаў на выбарах дэпутатаў Палаты прадстаўнікоў Нацыянальнага сходу Беларусі шостага склікання Сяргей Лебедзеў, перадае БЕЛТА.
"На нашу думку, работа ідзе планава, арганізавана, у адпаведнасці з заканадаўствам Рэспублікі Беларусь. Гэта самае галоўнае", - адзначыў Сяргей Лебедзеў.
Ён выказаў задавальненне тым, што колькасць місіі наглядальнікаў ад СНД узрасла - на сённяшні дзень ужо 328 чалавек акрэдытаваны. "Але гэта пераважна кароткатэрміновыя наглядальнікі, якія прыедуць у Беларусь напярэдадні выбараў. Доўгатэрміновых наглядальнікаў 44 чалавекі, якія ўжо амаль месяц працуюць тут", - расказаў Сяргей Лебедзеў.
Наглядальнікі ад СНД наведалі ўсе вобласці Беларусі, удзельнічалі ў фарміраванні выбарчых камісій. "Мы знаходзімся ў цесным кантакце з Цэнтральнай выбарчай камісіяй Беларусі, Міністэрствам унутраных спраў, Генеральнай пракуратурай, органамі мясцовай улады, інакш кажучы, з усімі структурамі, адказнымі за арганізацыю выбараў", - канстатаваў ён.
версія для друку
зрабіць стартавай
дабавіць у выбранае