Навіны 
Парламенцкія выбары ў Беларусі
12 Врс 2016
Канчатковыя вынікі выбараў будуць падведзены да канца бягучага тыдня
12 верасня, Мінск /Кар. БЕЛТА/.
Канчатковыя вынікі выбараў плануецца падвесці да канца бягучага тыдня. Аб гэтым паведаміла сёння на прэс-канферэнцыі ў Мінску старшыня Цэнтрвыбаркама Лідзія Ярмошына, перадае карэспандэнт БЕЛТА."Спадзяюся, мы ў гэту пятніцу зможам падвесці вынікі выбараў, і на працягу 30 дзён пасля правядзення выбараў, гэта значыць апошні магчымы дзень - гэта 10 кастрычніка, адкрыецца першая сесія Палаты прадстаўнікоў", - праінфармавала старшыня ЦВК.
Лідзія Ярмошына агучыла папярэднія вынікі выбараў, адзначыўшы, што на момант падвядзення канчатковых вынікаў ЦВК зможа прадставіць больш дэталёвую інфармацыю.
Дэпутаты выбраны па ўсіх 110 акругах. Яўка выбаршчыкаў на выбарах у Палату прадстаўнікоў склала
74,8 працэнта. У абсалютных лічбах у выбарах прынялі ўдзел 5 212 745 выбаршчыкаў. "Учарашні дзень у Цэнтральнай камісіі прайшоў даволі спакойна. У ЦВК 11 верасня паступіла 32 пісьмовыя звароты грамадзян Беларусі", - сказала яна.
версія для друку
зрабіць стартавай
дабавіць у выбранае
© BELARUS.BY,
2009 - 2025