Парламенцкія выбары ў Беларусі
Ярмошына выступае за фарміраванне ў Беларусі класа прафесійных палітыкаў
13 верасня, Мінск /Кар. БЕЛТА/. Старшыня ЦВК Лідзія Ярмошына лічыць, што ў Беларусі трэба ствараць клас прафесійных палітыкаў. Аб гэтым кіраўнік Цэнтрвыбаркама заявіла 12 верасня ў эфіры праграмы "Справа прынцыпу" на тэлеканале АНТ, паведамляе БЕЛТА.
Кіраўнік Цэнтрвыбаркама лічыць, што вынікі цяперашніх выбараў "павінны развіць тое, да чаго мы павінны імкнуцца", маючы на ўвазе максімальную самаакупнасць кандыдатаў і партый, магчымы пераход да прапарцыянальнай выбарчай або змешанай сістэмы. "Усё ж такі нам трэба ствараць клас прафесійных палітыкаў", - пераканана Лідзія Ярмошына.
Яна адзначыла несумненны пазітыў таго, што ў выбарах удзельнічаюць людзі, значныя ў сваёй галіне. "Але ўсё ж такі яны не палітыкі, не прафесіяналы. Менавіта гэта прывяло да таго, што яны адмаўляліся ад эфіру на тэлебачанні, ад тэледэбатаў. Гэта людзі справы, яны не публічныя людзі, але без публічнасці немагчыма правесці выбары", - растлумачыла яна.
версія для друку
зрабіць стартавай
дабавіць у выбранае