Парламенцкія выбары ў Беларусі
Ярмошына: Парламенцкая кампанія праводзіцца ў аптымальныя тэрміны
12 жніўня, Мінск /Кар. БЕЛТА/. Выбары ў Палату прадстаўнікоў Нацыянальнага сходу Беларусі шостага склікання праводзяцца ў аптымальныя тэрміны. Аб гэтым заявіла старшыня Цэнтрвыбаркама Беларусі Лідзія Ярмошына ў час анлайн-канферэнцыі на тэму "Парламенцкія выбары-2016" на сайце БЕЛТА.
"У нас няма права перанесці выбары на больш позні тэрмін, калі ўсе будуць на сваіх месцах. Мы і так праводзім іх у гранічна магчымыя канстытуцыйныя тэрміны", - сказала Лідзія Ярмошына, каменціруючы той факт, што ў жніўні часцей за ўсё людзі бяруць водпуск і выязджаюць за мяжу (або за горад), а таму не змогуць у поўнай меры пазнаёміцца з кандыдатамі і іх ідэямі, паколькі прапусцяць асноўны перыяд агітацыі.
Паводле слоў старшыні ЦВК, перанос выбараў на больш ранні тэрмін (напрыклад, ранняй вясной. - Заўвага БЕЛТА) выклікаў бы яшчэ большы шквал крытыкі. "Па-першае, мы абмежавалі б паўнамоцтвы парламента, тэрмін паўнамоцтваў - практычна на паўгода. Другое, папрокі нашай апазіцыі: "вы не далі нам падрыхтавацца, вы дачасна праводзіце выбары". Таму з двух ліх усё ж такі, я думаю, што ўлада выбрала меншае", - сказала Лідзія Ярмошына.
версія для друку
зрабіць стартавай
дабавіць у выбранае