Парламенцкія выбары ў Беларусі
Ярмошына: Далейшае ўдасканаленне выбарчага заканадаўства абмяркуюць пасля выбараў
25 красавіка, Мінск /Кар. БЕЛТА/. Пытанне далейшага ўдасканалення ў Беларусі выбарчага заканадаўства будзе абмяркоўвацца пасля парламенцкіх выбараў. Аб гэтым заявіла старшыня Цэнтральнай камісіі па выбарах і правядзенні рэспубліканскіх рэферэндумаў Лідзія Ярмошына ў інтэрв'ю праграме "Галоўны эфір" на тэлеканале "Беларусь 1", паведамляе БЕЛТА.
Адказваючы на пытанне аб магчымых трансфармацыях нацыянальнага выбарчага заканадаўства напярэдадні парламенцкай кампаніі, Лідзія Ярмошына адзначыла, што рацыянальная сярэдзіна ў гэтым працэсе будзе знойдзена ў правапрымяняльнай практыцы. "Мы будзем яе паляпшаць і ўдасканальваць. Дзе гэта магчыма, дзе гэта адпавядае нашым традыцыям і заканадаўчым нормам, тыя прапановы будуць задавальняцца. Там, дзе гэта неразумна, немэтазгодна, супярэчыць заканадаўству, усё будзе адкладзена. Я абсалютна ўпэўнена, што мы вернемся да размовы аб удасканаленні выбарчага заканадаўства пасля выбараў. Больш таго, мы так заўсёды і робім, незалежна ад рэкамендацый", - заявіла кіраўнік ЦВК.
Лідзія Ярмошына таксама пракаменціравала тэзісы прэзідэнцкага Паслання беларускаму народу і Нацыянальнаму сходу, у якім Аляксандр Лукашэнка заявіў, што маючая адбыцца палітычная кампанія стане экзаменам палітычнай культуры грамадства. "Мы пастаянна здаём экзамен, калі ідзе выбарчая кампанія. Гэта экзамен улады, гэта экзамен на палітычную сталасць. Гэта экзамен на адпаведнасць улады тым мандатам, якія яна атрымала ад выбаршчыкаў. І ўпершыню мы загаварылі аб палітычнай культуры. Гэта сведчыць аб тым, што ў прынцыпе выбары пераходзяць на новую больш высокую ступень адпаведнасці патрабаванням, якія, напрыклад, прад'яўляюць да нас міжнародныя структуры", - сказала яна.
Што датычыцца ўзроўню канкурэнцыі на маючых адбыцца выбарах, то, на думку кіраўніка ЦВК, конкурсу трэба чакаць перш за ўсё ў Мінску, іншых прамысловых і студэнцкіх гарадах.
версія для друку
зрабіць стартавай
дабавіць у выбранае