Навіны 
Парламенцкія выбары ў Беларусі
6 Врс 2016
Белякоў: На выбарах забяспечана максімальная адкрытасць і роўныя магчымасці для ўсіх кандыдатаў
6 верасня, Мінск /Кар. БЕЛТА/. На парламенцкіх
выбарах у Беларусі забяспечана максімальная адкрытасць і роўныя магчымасці для ўсіх кандыдатаў. Такое меркаванне выказаў сёння першы сакратар ЦК ГА "Беларускі рэспубліканскі саюз моладзі" Андрэй Белякоў у час адкрытага дыялогу на тэму "Да 14 і старэйшыя" ў прэс-цэнтры БЕЛТА."На наш погляд, кампанія максімальна адкрытая, гэта кампанія з роўнымі магчымасцямі для ўсіх кандыдатаў", - адзначыў Андрэй Белякоў. Ён падкрэсліў, што ўсе прэтэндэнты на парламенцкае крэсла маюць магчымасць выступіць на тэлебачанні, размясціць сваю праграму ў СМІ, паўдзельнічаць у адкрытых дыялогах БРСМ. "Усё гэта сведчыць аб абсалютнай адкрытасці", - лічыць Андрэй Белякоў.
На яго думку, у парламенце павінны быць людзі, якія працуюць у першую чаргу на карысць краіны. "Што датычыцца будучыні Беларусі праз 10-15 гадоў, то нам хацелася б, каб тое, што цяпер ёсць у краіне, мы захавалі і прымножылі", - сказаў першы сакратар
ЦК ГА "БРСМ". Ён звярнуў увагу, што ў Беларусі ёсць самае галоўнае - мір. Гэта каласальная каштоўнасць, якая ў апошнія гады набыла асаблівае значэнне. "Нашы людзі галасуюць за мір, за стабільнасць, за развіццё нашай краіны", - перакананы Андрэй Белякоў.
версія для друку
зрабіць стартавай
дабавіць у выбранае
© BELARUS.BY,
2009 - 2025