Парламенцкія выбары ў Беларусі
Амаль 60 заявак паступіла ўжо ў МЗС Беларусі ад замежных СМІ на акрэдытацыю для асвятлення выбараў
1 верасня, Мінск /Уладзімір Мацвееў - БЕЛТА/. Амаль 60 заявак паступіла ўжо ў МЗС Беларусі ад замежных СМІ на акрэдытацыю для асвятлення парламенцкіх выбараў. Аб гэтым паведаміў сёння на брыфінгу начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
"Па стане на сённяшні дзень намі атрымана 59 заявак на акрэдытацыю. Сярод іх прадстаўнікі такіх буйных СМІ, як расійскае інфармагенцтва ТАСС, кітайская тэлерадыёкампанія CCTV, катарская "Аль-Джазіра", шэраг буйных еўрапейскіх СМІ", - сказаў прэс-сакратар.
Акрамя таго, на пастаяннай аснове ў Беларусі акрэдытавана больш за 70 прадстаўнікоў замежных СМІ. "Мы зыходзім з таго, што яны таксама праявяць цікавасць да парламенцкіх выбараў", - адзначыў Дзмітрый Мірончык.
Ён нагадаў, што ў МЗС заяўкі на акрэдытацыю журналістаў замежных СМІ на асвятленне выбараў у Палату прадстаўнікоў прымаюцца да 4 верасня. "Таму не выключаю і нават мяркую, што да гэтага часу колькасць журналістаў можа ўзрасці", - дадаў прэс-сакратар.
версія для друку
зрабіць стартавай
дабавіць у выбранае