Галоўныя навіны

3 ліпеня, Мінск /Кар. БЕЛТА/. Віншаванні з Днём Незалежнасці Рэспублікі Беларусь паступаюць у адрас кіраўніка беларускай дзяржавы Аляксандра Лукашэнкі ад кіраўнікоў замежных дзяржаў, замежных дзеячаў палітыкі і культуры. Аб гэтым БЕЛТА паведамілі ў прэс-службе беларускага лідара.

Віншавальныя пасланні атрыманы ад многіх кіраўнікоў краін СНД, Еўрапейскага саюза і іншых замежных лідараў. У іх ліку Папа Рымскі Францыск, Каралева Злучанага Каралеўства Вялікабрытаніі і Паўночнай Ірландыі Лізавета II, Імператар Японіі Акіхіта, Кароль Швецыі Карл XVI Густаў, Кароль Іарданіі Абдала II.

Кіраўніка беларускай дзяржавы таксама павіншавалі прэзідэнты Расіі, Украіны, Малдовы, Туркменістана, Таджыкістана, Кыргызстана, Германіі, Балгарыі, Венгрыі, Румыніі, ААЭ, Індыі, В'етнама, Манголіі, ПАР, Алжыра, Старшыня Дзяржаўнага савета і Савета Міністраў Кубы, генерал-губернатары Канады і Аўстралійскага саюза.