Галоўныя навіны

"Веру ў каманду і ў кожнага з вас". Лукашэнка накіраваў наказ беларускім алімпійцам

1 лютага, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў наказ членам нацыянальнай дэлегацыі на XXIV зімовых Алімпійскіх гульнях у Пекіне. Аб гэтым БЕЛТА паведамілі ў прэс-службе беларускага лідара.

"Лічаныя дні застаюцца да пачатку зімовай Алімпіяды 2022 года ў Пекіне, якую з нецярпеннем чакае ўвесь свет. Мара кожнага спартсмена і трэнера - п'едэстал Алімпійскіх гульняў, але вяршыня пакараецца толькі тым, хто ўпарта працуе і цвёрда верыць у сябе", - падкрэсліў Аляксандр Лукашэнка.

Кіраўнік дзяржавы адзначыў, што перад беларускімі спартсменамі стаіць важная і адказная задача. "Трэба выкласціся максімальна і прадэманстраваць усяму свету, што беларусы ўмеюць перамагаць. Умеюць змагацца прыгожа, сумленна і годна, паважаючы сапернікаў і з гонарам праслаўляючы Радзіму. Веру ў нашу каманду і ў кожнага з вас. Помніце, уся краіна балее за алімпійцаў і чакае спартыўных подзвігаў у імя Беларусі. Няхай вам спадарожнічае поспех на снежных стадыёнах і лядовых арэнах алімпійскага Пекіна і збудуцца самыя смелыя мары!" - пажадаў Прэзідэнт.

Дарагія сябры!

Лічаныя дні застаюцца да пачатку зімовай Алімпіяды 2022 года ў Пекіне, якую з нецярпеннем чакае ўвесь свет.

Мара кожнага спартсмена і трэнера - п'едэстал Алімпійскіх гульняў, але вяршыня пакараецца толькі тым, хто ўпарта працуе і цвёрда верыць у сябе.

Перад вамі стаіць важная і адказная задача. Трэба выкласціся максімальна і прадэманстраваць усяму свету, што беларусы ўмеюць перамагаць. Умеюць змагацца прыгожа, сумленна і годна, паважаючы сапернікаў і з гонарам праслаўляючы Радзіму.

Веру ў нашу каманду і ў кожнага з вас.

Помніце, уся краіна балее за алімпійцаў і чакае спартыўных подзвігаў у імя Беларусі.

Няхай вам спадарожнічае поспех на снежных стадыёнах і лядовых арэнах алімпійскага Пекіна і збудуцца самыя смелыя мары!

Жадаю моцнага здароўя, стойкасці і ўдачы.

Аляксандр Лукашэнка.

версія для друку

зрабіць стартавай

дабавіць у выбранае