Галоўныя навіны
Лукашэнка: з імем і адказнай роляй бацькі звязана шчасце самых родных і блізкіх
Фота з архiва
21 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з асаблівым сямейным святам - Днём бацькі. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы адзначыў, што ў гэтым свяце цесна пераплятаюцца высакароднасць мужчынскага характару і святасць бацькоўскага абавязку. "Гэта духоўнае адзінства, напоўненае любоўю бацькаўскага сэрца, стагоддзямі з'яўляецца надзейнай апорай і абярэгам дабрабыту моцнай беларускай сям'і, - гаворыцца ў віншаванні. - З імем і адказнай роляй бацькі звязаны шчасце самых родных і блізкіх, іх поспехі і дасягненні, без якіх немагчыма будучыня нашай Радзімы".
Ад мужчын дзеці і ўнукі пераймаюць галоўныя жыццёвыя мудрасці, вучацца пераадольваць цяжкасці, прытрымлівацца выбранага шляху, быць карыснымі грамадству і дзяржаве, любіць і абараняць зямлю продкаў, падкрэсліў Прэзідэнт.
Аляксандр Лукашэнка пажадаў кожнаму беларускаму мужчыну ў поўнай меры спазнаць і праявіць радасць бацькаўскага клопату і заўсёды берагчы ў сваім сэрцы цеплыню бацькоўскай любові. "Няхай ва ўсіх нас для гэтага нават у самых няпростых абставінах хапае сіл і здароўя", - дадаў кіраўнік дзяржавы.
Віншаванне Прэзідэнта Беларусі з Днём бацькі
Дарагія суайчыннікі!
Сардэчна віншую вас з асаблівым сямейным святам - Днём бацькі.
У ім цесна пераплятаюцца высакароднасць мужчынскага характару і святасць бацькоўскага абавязку. Гэта духоўнае адзінства, напоўненае любоўю бацькаўскага сэрца, стагоддзямі з'яўляецца надзейнай апорай і абярэгам дабрабыту моцнай беларускай сям'і.
З імем і адказнай роляй бацькі звязаны шчасце самых родных і блізкіх, іх поспехі і дасягненні, без якіх немагчыма будучыня нашай Радзімы.
Ад нас, мужчын, дзеці і ўнукі пераймаюць галоўныя жыццёвыя мудрасці, вучацца пераадольваць цяжкасці, прытрымлівацца выбранага шляху, быць карыснымі грамадству і дзяржаве, любіць і абараняць зямлю продкаў.
Жадаю кожнаму беларускаму мужчыну ў поўнай меры спазнаць і праявіць радасць бацькаўскага клопату і заўсёды берагчы ў сваім сэрцы цеплыню бацькоўскай любові. Няхай ва ўсіх нас для гэтага нават у самых няпростых абставінах хапае сіл і здароўя.
Аляксандр Лукашэнка
21 кастрычніка 2024 года
версія для друку
зрабіць стартавай
дабавіць у выбранае