Галоўныя навіны

Лукашэнка правёў сустрэчу з Прэзідэнтам Кыргызстана Садырам Жапаравым

22 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ў Палацы Незалежнасці правёў  сустрэчу з Прэзідэнтам Кыргызстана Садырам Жапаравым, перадае карэспандэнт БЕЛТА.

Кіраўнікі дзяржаў паразмаўлялі ў нефармальнай абстаноўцы ў фармаце "без гальштукаў".

Размова праходзіла за зачыненымі дзвярыма, але вядома, што сярод закранутых тэм былі маючы адбыцца саміт АДКБ, а таксама некаторыя аспекты ў развіцці двухбаковых адносін.

Як паведамлялася БЕЛТА, у час сустрэчы ў канцы кастрычніка з паслом Кыргызстана Аляксандр Лукашэнка даручыў МЗС Беларусі распрацаваць краінавы план развіцця ўзаемаадносін з гэтай краінай. Беларусь гатова не толькі значна пашырыць наменклатуру пастаўляемых тавараў, абсталявання і тэхнікі, але таксама дзяліцца напрацаваным вопытам у розных галінах, дапамагчы з падрыхтоўкай кадраў.

Аляксандр Лукашэнка 22 лістапада ў Мінску таксама правёў сустрэчу з Прэзідэнтам Таджыкістана Эмамалі Рахмонам.

Абодва лідары прыбылі ў Мінск напярэдадні саміту АДКБ, які запланаваны на 23 лістапада. Сесія Савета калектыўнай бяспекі (СКБ) АДКБ пройдзе пад старшынствам Прэзідэнта Беларусі Аляксандра Лукашэнкі. Члены СКБ абмяркуюць актуальныя праблемы міжнароднай і рэгіянальнай бяспекі, вызначаць задачы, а таксама прымуць шэраг дакументаў, накіраваных на забеспячэнне інтарэсаў калектыўнай бяспекі.

версія для друку

зрабіць стартавай

дабавіць у выбранае