Галоўныя навіны

Лукашэнка прагаласаваў на парламенцкіх выбарах і больш як гадзіну размаўляў з журналістамі

17 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка прагаласаваў на выбарах дэпутатаў у Палату прадстаўнікоў Нацыянальнага сходу, перадае карэспандэнт БЕЛТА.

"Вы - байцы бачнага фронту", - такімі словамі прывітаў кіраўнік дзяржавы членаў выбарчай камісіі.

Кіраўнік дзяржавы прыняў удзел у галасаванні на выбарчым участку нумар 506 Старавіленскай выбарчай акругі нумар 105 Цэнтральнага раёна Мінска, які размяшчаецца ў Беларускім дзяржаўным універсітэце фізічнай культуры.

Па гэтай акрузе на цяперашніх выбарах балаціруюцца шэсць кандыдатаў.

Президент Беларуси Александр Лукашенко на избирательном участке более часа отвечал на вопросы журналистов.

Шматлікія пытанні прадстаўнікоў дзяржаўных, недзяржаўных і замежных СМІ датычыліся як выбарнай тэматыкі, так і знешняй палітыкі - адносін з Расіяй, заходнімі краінамі, вынікаў года ў сельскай гаспадарцы і шмат іншага.

Кіраўнік дзяржавы максімальна падрабязна адказаў на ўсе з іх і прадоўжыў размову, нават калі здалося, што падыход да СМІ ўжо завершаны. У пэўны момант ён пачаў сам мадэрыраваць дыялог, прапануючы задаваць новыя пытанні. Пры гэтым працэс галасавання грамадзян не перапыняўся.

"Дзякуй! Поспехаў вам, дабра і сур'ёзнага стаўлення да праблем, якімі вы займаецеся. Цяпер надышоў такі час, што ад вашага слова залежыць вельмі многае. Не толькі ад майго, але і ад вашага", - сказаў на развітанне Аляксандр Лукашэнка.

Пасля адказаў на пытанні журналістаў кіраўнік дзяржавы пагаварыў з палітыкам Таццянай Караткевіч, якая прысутнічала на выбарчым участку. Ён таксама падарыў каробку цукерак адной пажылой выбаршчыцы, якая дабралася да ўчастка пры дапамозе інвалідных хадункоў.

Напаследак Прэзідэнт яшчэ раз звярнуўся да членаў участковай выбарчай камісіі і папрасіў ў іх прабачэння за магчыма дастаўленыя нязручнасці.

версія для друку

зрабіць стартавай

дабавіць у выбранае